رواية أوقعتني في حبها

مقالات مشابهة

Play several,500+ 100 percent free 50 free spins no deposit burlesque queen Slot Game Zero Install Otherwise Sign

‏يومين مضت

Greatest phantom cash slot machine Ports Bonuses 2023

‏يومين مضت

Best Free Slots Which have Free slot games Aztec Idols Spins Score $25 100 percent free

‏يومين مضت

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ دي الخدامه الجديده يا بابا..
= دي مراتك المستقبيلة..
_ انت بتقول ايه! مرات مين..
= مراتك ايه مسمعتش..
_ مستحيل طبعآ يا بابا مرات مين دي الخدامه الجديده يلا يبت انتي ادخلي اعملي أكل…

“طبعاً انا واقفه وسامعه الكلام دا وانا قلبي بينزف وجع ليه يحصل معايا كدا ليه بابا باعني للراجل دا!؟.
ليه موتي وسبتيني يا أمي!..”..
_ هو انا مش قولتلك ادخلي اعملي طفح ليااا.
كنت لسه هرد بس باباه هو اللي رد.
= انت مبتفهمش بقولك دي مراتك يا آدم تقولها اعملي أكل..
_ يا بابا افهمني انت دي متليقش بآدم بيه صاحب أكبر شركات ف إسكندرية دي آخرها تبقي خدامه.. وراح ماشي…

_ معلش يا روز هو بس مش مستوعب اللي بيحصل اطلعي فوق ف أوضتك ارتاحي ولما يجي انا هبقي أفهمه..يا عايدة يا عايدة..
= ايوا يا بيه فيه حاجه..
_ خدي روز هانم علي أوضتها اللي قولتلك عليها وشوية كدا ابقي طلعيلها أكل..
” انا كان كل اللي مهون عليا الراجل الطيب اللي بيعاملني حلو طبعآ عكس ابنه “..
طلعت الاوضة للا دي مش أوضة دي اد بيتنا كله!؟..
_ طيب يا دادة انزلي انتي وانا هحط هدومي…
= لا يا روز هانم مينفعش انا اللي هحط الهدوم..

_ روز هانم ايه بس يا دادة والله ازعل منك انا اسمي روز ويبقي شرف ليا يعني لو تعتبريني زي بنتك..
بصت لها عايدة اللي شافت انها نفس صفات إلهام هانم رحمة الله عليها والدة آدم حضنتها وعيطت..
_ انا اللي شرف ليا إني يبقي عندي بنت زيك يبخت آدم بيه بيكي..
روز لأول مرة تحس بالأمان والدفا من بعد وفاة مامتها..
_ وبعدين بقاا هنفضل نعيط كداا..

= اصل انا مبخلفش وكان نفسي يبقي عندي بنت تبقي زيك كدا..
_ الاه طب ما انا بنتك اهو إلا بقا لو كان انتي مش معتبراني بنتك..
= لا طبعا بنتي وحبيبتي كمان والله ربنا يعلم من وقت ما شوفتك ودخلتي قلبي علي طول وكمان انتي فيكي شبه اوي من إلهام هانم ربنا يرحمها..
_ ربناا يرحمها يارب تبقي مين إلهام هانم..
= مرات مهران بيه والد آدم..

_ هي مراته متوفيه..
= من تلات سنين ومن يومها القصر مبقاش زي الأول مبقاش فيه الضحك والسعادة اللي كانت فيه.. ومن يوم وفاتها والحزن ف قلوب الكل وادم اللي كانت الضحكه مبتفارقش وشه بقا دايما حزين وعصبي مش زي الأول…
روز بحزن” ياااه دي شكلها كانت فرفوشة اوي “..
_ ربنا يرحمها ويغفرلها..انا هنزل انا بقا يا حبيبتي احضرلك أكل..
= والنبي تعمليلي مكرونه بشاميل انا هغير وانزلك دلوقتي.
_ عنياا يا حبيبتي ونزلت عايدة.. ورصت روز هدومها وغيرت وهي خارجه بتتاوب…
_ اممم ااه لو ال..

= انتي بتعملي ايه عندك..
روز فتحت عنيها بخضه” يالهوي برااحه فيه ايه “..
_ كنتي بتعملي ايه غ الأوضة دي..وشاور علي غرفتها…
= كنت بغير هدومي وبرصها ف الدولاب.. انت متضايق ليه يبوز النكد انت..
آدم قرب منها لحد ما خبطت ف الحيطه” انا بوز النكد “..
روز بتوتر” ايوا انت هو فيه حد غيرك هناا ثم انت ملزوق فيا كدا ليا فسح شوية كدا “..
= لمي لسانك يا مقرفة + ايه فسح شوية دي..
_ والله ما حد غيرك مقرف + يعني ابعد شوية وإلا هلم القصر كله عليك واقولهم بيتحمرش بياا.

= علي آخر الزمن ملقيش غيرك ابص لها وبصلها بغرور من فوق لتحت كدا..
_ لاا فوق يا اسمك ايه انت انا مسمحلكش تتكلم معايا بالطريقة دي ماشي يعسل + اه صح تاكل مكرونه بشاميل معايا..
آدم استغرب ليها جدا هي مجنونه ولا ايه..
_ماشي انا كدا كدا بحب المكرونه البشاميل بس متعكيش فيها والنبي وضحك لها ومشي… . يتبع

_ الله يا جمال المكرونه بالبشاميل وبتبتدي روز تشم ريحيتها و آدم واقف يبص عليها ويضحك..
= طب ايه هتقعدي تشمي فيها كداا..
_ يخربيتك خضتني يا أخي ربنا يسامحك..
= خلصي حطي الأكل عايز اطفح..
_ حد قالك إني خدامه عندك ولا حاجه المكرونه دي ليا عايز ادخل اعمل لنفسك..

آدم بعصبية وراح مسك ايدها والطبق وقع منها ” ايوا خدامه عندي انتي فكرتي إني هتجوزك واسمع كلام بابا ولا ايه “..
روز بدموع” انا مش خدامه عند حد ولو هبقي خدامه ف مستحيل ابقي خدامه لإنسان زيك”..
آدم ضربها بالقلم” القلم دا علشان متبقيش تقولي لآدم بيه كدا تاني يح..
_ آدم!!!..
التفت وراه لقي باباه واقف وبيبصله بغضب ” ايه اللي انت عملته داا “..
روز جريت علي أوضتها ومهران خد آدم ف الصالون وبيزعق له..

_ ايوا يا أمير..
= هترجع امتي.
_ النهاردة إن شاء الله مع إني كنت عاملها مفاجأة للكل بس يلا عرفتك اهو ..
= اخيراا يا آسر ليك وحشه والله..
_ حبيبي تسلم..
= هستناك قدام المطار..
_ تسلم يا أمير يلا علشان انا هركب الطيارة دلوقتي..
= ماشي يا حبيبي سلام..
وقفل أمير وركب عربيته وراح المطار مستني آسر صديقه ..

_ تطلع دلوقتي تتأسف ليها وإلا هتشوف مني أسوأ معامله..
= مستحيل انا اعتذر ليها ليه انا مغلطتش فيها ولا عملت حاجه انا بس نفسي اعرف انت بتحب البنت دي ليه ليه بتقف معاها قصادي.
_ علشان هي مأذتش حد ومعملتش حاجه وحشة ف حد فهمت + كتب كتابكوا النهاردة علشان تكون عامل حسابك..
= كتب كتاب مين يا بابا انا لو هتجوز مش هتجوز البنت دي..
_ هتتجوزها يا آدم يعني هتتجوزها ومشي مهران وراح الشركه بتاعته..
وطلع آدم لروز وأول ما دخل وقف مكانه واتصدم..
كانت روز واقفة قدام المرايا بتعيط وبتسرح شعرها ولابسة وبيجامه باللون الوردي وكان شكلها جميل جداً روز خدت بالها منه..
_ عااااا انت ايه اللي جابك هناا وشالت الغطا اللي ع السرير وحطته علي جسمها..

آدم بخبث = ما انا شوفتك وخلاص.. بس جامدة علشان كده هغير رأيي واسمع كلام بابا واكتب عليكي النهاردة..
روز بشهقة وسابت الغطا ” يالهوي تكتب علي مين انا مش هتجوزك مستحيل كدا ات خدت بالها انه مش مركز خالص لكلامها وبيبص لها بنظرات مش كويسة..
_ امشي اطلع برااا يا سافل..
آدم قرب منها ” انتي لسه شوفتي حاجه “..
= انت بتعمل ايه..
_ بشم ريحة شعرك صراحه ريحته جميلة اوي..
= آدم اخرج براا مينفعش اللي انت بتعمله ده.
_ ما انتي هتبقي مراتي بالليل مفرقتش يعني..
روز بتوتر من قربه” طب ممكن يعني.. تبعد شوية مش قادره اتنفس “..
= امممم..وفضل يقرب منها لحد ما خبطت ف حرف السرير.
_ آدم مينفعش ابعد…
= ليه مينفعش وقرب من شفايفها وباسها..
وبعد ثواني ليست بكثيرة كانوا بعدوا عن بعض وبدأوا يخدوا نفسهم بسرعه..
_ انت سافل علي فكره و..
= خدي بس نفسك الأول وبعدين ابقي اتكلمي..
_ متكررهاش تاني و يلا اخرج.. براا..
” خارج يا روز بس اوعدك مش هسيبك النهاردة بالليل “..
= انت بتحلم..

_ يا أهل البيييت يا قووووم…
نزلت روز من فوق لما سمعت الصوت..
= ايوا مين حضرتك..
آسر بإعجاب” اوبااا انتي مين يقمر “..
_ انت اللي مين..
آدم خرج من مكتبه وشاف آسر” آسر!!! “..
= دوماااا وحشتني وحشتني اووي والله..
آدم بحب وبيحضنه” وانت كمان يا حبيب اخوك والله “..

_ مقولتش ليه إنك جاي كنت جيت اخدك..
= محبتش اتعبك والله اومال فين بابا..
_ ف الشركه هديله خبر اانك جيت…
= الا قولي آدم مين الجامده دي..
آدم بغضب” لم لسانك”..

= هي تخصك ولا ايه..
_ كتب كتابي عليها النهاردة..
= يا ابن اللذين وكنت هتتجوز قبل ما اجي طب عرفتها ازاي دا ولا حبيتها ازاي..
_ بعدين هحكيلك.. .. يتبع

_ طلعت اوضتي تاني وقولت اسيبهم يسلموا علي بعض لإنه باين كان مسافر ورجع دلوقتي..
= روز اجهزي علشان هاخدك ونروح نشتري فستان لكتب الكتاب..
مش عارفه اول ما بتيجي السيرة دي بيجيلي مغص ف بطني🙂😂😂..
مردتش عليه وطلعت لبست وانا متضايقه ونزلت..
_ يلا ولا هتفضلي باصه ليا كدا كتير..
= و ابصلك علي ايه يعنى.. وخدت بعضي وخرجت براا وركبنا العربيه ومشي..
_ بتحبي أغاني ايه..

= طيور الجنه ..
_ قاعد مع بنت اخويا وانا معرفش..
= لا قاعد مع روز..
_ اللهم طولك يا روح..
= يارب احسن مفيش روح خاالص.
وبعد شوية وصلوا لمكان جميل فيه فساتين..

_ دا لااا انتي اتجننتي..
= ليه ما شكله حلو اهو..
_ والكتف اللي هيبقي باين يبقي حلو..
= الاه وهو كتفي انا ولا كتفك انت..
_ انتي هتبقي مرات مين..
= للأسف يعني هبقي مراتك..
_ وانا مرضاش إن مراتي حد يشوف من جسمها حاجه + هتتعاقبي علي للأسف دي..
وبعد شويه اختاروا فستان محترم ورجعوا البيت وطلب من البيوتي سنتر تيجي القصر..

الساعه 8:00..
_ انا مش عايزة اتجوزه.
= يا حبيبتي والله آدم بيه طيب وهيحبك وانتي هتحبيه..
_ يا دادة مستحيل انا بكرهه مش بطيق اشوفه هحبه ازاي..
= لو رفضتي دلوقتى هتشوفي وش تاني له انتي متعرفيش اما بيبقي متعصب بيبقي عامل ازاي..
دخل آدم عليهم بغضب ” هي مش هترفض علشان لو رفضتي هقتلك “..
_ ابعد عني مش هتجوزك..
آدم قرب منها” هتتجوزيني يعني هتتجوزيني “..

= هقول للمأذون إني مش موافقة..
_ هيكتب الكتاب بردوا..
= آدم ابعد عني انا بكرهك..
فضل يقرب ودادة عايدة خرجت وروز طلعت ع السرير..
_ مش هتعرفي تهربي مني يا روز..وبيمسك ايدها راحت واقعه ع السرير وهو جمبها..
_ آدم ابعد عني..
وف ثانيه كان شالها علي ايده ونزل تحت..
_ نزلني يا آدم الكل بيبص عليناا..
= ما يبصوا فيه حد له حاجه عندنا..
ودخل الصالون ونزلها..
_ يلا يا شيخنا اكتب الكتاب..

= حاضر يا آدم بيه..
وبدأ المأذون يكتب الكتاب..
_ موافقه يا روز هانم علي جوازك من آدم بيه مهران..
روز بصت لآدم ونفسها تقول لا مش موافقة..
= موافقة يا بنتي..
وف ثانيه كان فيه ضرب نار ف المكان..
_ استني عندك يا شيخنا..

وخلص البارت وياتري مين الشخص داا!!.
مين اصلا الناس اللي جت وضربت ناا!!.. هنعرف البارت الجاي..+ آسفة ع التأخير وقصر ….. يتبع

_ استني عندك يا شيخنا ينفع بردوا تكتب كتب كتاب واحدة متجوزه..
الكل قام بصدمه وأولهم روز..
= متجوزة مين + انتي مين اصلا..
_ مش فاكراني يبنت عمتي ما انتي نسيتي نفسك بقا ورايحه تتضحكي علي واحد غني بعد ما ضحكتي علياا وخدتي كل فلوسي وهربتي بيها..
= فلوس ايه وانا بنت عمتك ازاي انا معرفكش…
_ لينا بيت نتعرف فيه علي بعض وقرب منهاا ومسك ايدها يلااا قدامي..
مكنش قدامي حل غير إني امشي معاه لما ملقتش اي رد فعل من آدم او مهران بيه مشيت وانا تايهه مش عارفه اي حاجه معرفش مين الشخص دا وانا فعلآ بنت عمته ولا بيكذب علياا..

آدم بعصبية وغضب “بقاا تضحكي علياا يا كلبة الفلوس جايه تاخدى فلوسي وخرج لباباه..
_ مش دي اللي بتقول غلبانه وطيبه دي اللي ضحكت عليك وخلتك تدخلها بيتناا وكنت هتجوزهالي كانت عامله نفسها بريئه..
= آدم ممكن تهدي انت غبي يلااا ولا ايه دي كان واضح اوي أنها متعرفوش..
_ ازاي يا بابا متعرفهوش ازاي دي اكيد خطة وعاملينها سوا علشان يضحكوا علياا ومفكرين إني كنت هدافع عنها واقول إني هتجوزها..
= آدم حياة روز ف خطر انا مش مطمن للولد دا انت لازم تاخد رجالتك وتروح تشوف خدها فين.
مشي آدم بسرعه لإنه حس بإنها فعلآ بخطر..

_ انت وقفت هناا ليه…
= علشان اوريكي ابوكي اللي كلها ثواني ويموت وضحك بشر كداا.
_ بابا!! هيموت ليه هو فين وديني له بسرعه..
= امشي قدامي..
نزلت م العربيه ومشيت بس كنت مستغربه المكان جدا كان عبارة عن صحرا وفيها خيمه جريت بسرعه ع الخيمه بس الغريب مكنش فيه حد خالص غير الشخص اللي بيقول إني ابقا بنت عمته دخلت الخيمه بسرعه واتصدمت لإني ملقتش فيهاا حد..
_ كنتي مفكره إني مش هعرف اوصلك..

بصيت ورايا له وقولت بخوف” بابا فين “..
= بابا الله يرحمه قتلته وخلاص واتدفن انتي بقا اللي عليكي الدور بس الأول لازم… وبص لجسمها برغبة..
روز بعد ما فهمت قصده رجعت لآخر الخيمه..
_ انت هتعمل ايه ابعد عني..
قرب الشخص دا”ابعد ليه فيه حد يبعد عن روز أحمد”..
_ طب انت عايز مني ايه انا عملتلك ايه..
= فاكرة سمير ممدوح اللي ضربتيه بالقلم ف الجامعه وابوكي اللي بعدها راح طردني م الجامعه وقت ما كان مدير الجامعه..
_ بس.. انت انت اللي غلطت ف الأول انا مضربتكش لوحدي..
= مش مشكله جه الوقت وهاخد حقي منك وراح ماسك البلوزه بتاعتها وشقها نصين ولسه هيبوسها ولقي عصاية نزلت علي راسه وقع بعدها محسش بحاجه..

_ بسرعه يا آدم انا حاسس إن روز بخطر انا عرفت مكانها..
= حاضر يا بابا اهدي انا رايح اهو..
وصل آدم هو وباباه للمكان اللي روز فيه..
ودخلوا الخيمه واستغربوا جدآ ملقوش روز بس لقوا نفس الشاب اللي خد روز وهو غرقان ف دمه..
_معقوله روز قدرت تفلت منه..
= انا بس خايف يكون عمل ليها حاجه يا آدم..

_ انتي كويسة يا روز..
= اه شكرا جداً جداً انت جيت انقذتني ف الوقت المناسب.
_ بلاش شكرا دي ولا ايه..
= حاضر.
وخلص البارت ويا تري مين الشخص اللي أنقذ روز!!.. … يتبع

الو يا آسر عايز ايه دلوقتي..
= اخص عليك يا دومه بتزهق علياا دا انا كنت جايبلك خبر حلو..
_ قول يزفت اخلص..
= تعالا ع البيت بسرعه..
_ مش هينفع بدور علي روز يا متخلف..
= ماهو دا الموضوع اللي عايزك فيه.
_ طيب انا جاي بسرعه اهو..
بعد شوية وصل آدم هو وباباه البيت..

_ ايه بقاا اللي يخص روز..
= روز نايمه فوق يا آدم..
_ ايه ولقيتها ازاي..
= انا مش غبي زيك وشكيت ف الراجل اللي جه وبيقول إنه جوزها ف خليت حد من صحابي يترقبلي المكان ويمشي وراهم..
_ الحمد لله يعني هي نايمه فوق..
= اه بس انت مالك كدا خايف عليها..
_ عادي يعني مش حكاية خايف انا بس كنت مش عايز يحصل لها حاجه..
= ما يحصل لها هي كانت من باقي عيلتك..
_ يووه انا هروح اجيب المأذون ونكتب الكتاب مش ضامن ايه اللي هيحصل لها بكرا..
= علياا النعمه بتحبها روح يا أخويا روح..
ضحك آدم ومشي ودادة عايدة طلعت تنادي ل روز..

_ يا دادة سبيني بقاا عايزة انام اوي..
= فيه عروسة تقول كدا يوم كتب كتابها قومي يا حبيبتي..
_ ايه عروسة!!..
= اه يا حبيبتي آدم بيه راح يجيب المأذون دلوقتي وانتي لازم تجهزي..
روز ملقتش طريقة تحمي نفسها بيها من الناس غير انها تتجوز آدم قامت لبست ونزلت كان آدم جه وجاب المأذون..

_ بارك الله لهما وبارك عليهما وجمع بينهما في خير..
آدم قام وباس راسها..
= مبروك يا روزتي..
_ روزتك هتطق..
= طقي ف اوضتنا مش هناا اضحكي..
روز بتضحك وهي بتجز علي سنانها…
_ مبروك يا ولاد يلا اطلعوا غيروا وانزلوا علشان نتعشي..
= حاضر يا بابا وحاوط روز من كتفها يلاا يا حبيبتي..
روز بصوت منخفض “حبك برص”..

_ ادخلي يا عروسة..
= بص بقاا علشان تبقاا فاهم كل ح..ايه انت بتبصلي كدا ليه..
_…….
= هلطشك قلم والله لو معدلتش وشك داا..
_……
= استغفر الله العظيم يارب انا رايحه اوضتي اغير هدومي..
_ والله..
= اه والله دا ايه الشلل داا..
_ روز..
= يا نعم..
_ غيري يلاا هدومك علشان ننزل نتعشي ولا ايه رأيك نتعشي هناا..
= والله هو اللي يشوف وشك نفسه تتسد..
_ روووزز!!.
تحت ف الصالون..
_ هما بيتخانقوا ولا ايه..
= مش عارف بس من صوت آدم باين إنهم بيتخانقوا..
_ انا خايف علي روز منه والله..
= ربنا يهديهم يارب..

_ انت بتعمل ايه..
= هشوف كداا نفسك المسدودة.
_ ايوا هتعمل ايه يعني..
= تيجى نتعشي الأول وبعدين اقولك هعمل ايه وغمز لها..
_ قليل الادب..وراحت ناحية الباب.. ولسه بتفتح حط ايده ع الأوكره..
= انتي رايحه فين..
_ رايحه اوضتي علشان اغير ولو سمحت ابعد كده بقاا..
= مفيش حاجه اسمها اوضتك دي بقت اوضتنا احنا الإتنين ولا احنا مش متجوزين..
_ متجوزين كدا وكدا..
= يعني ايه..

_ يعني انت قدام الناس جوزي وف البيت مش جوزي..
= روز متعصبنيش انجزي غيري علشان ما اخليش يومك أسود فوق دماغك..
_ فوق دماغك انت.. انت بتزهق عليآ.
= واضربك كماان لو متعدلتيش يلاا خلصي غيري وهتغيري قدامي ومش هنخرج الا انا وانتي مع بعض وقفل بالمفتاح وراح ناحية الدولاب بتاعه..
_ خدي داا لبس كنت جايبه لحضرتك بس مكنش فيه فرصة اديه ليكي وطلع له تيشيرت وبنطلون..
= ايه اللون المقرف اللى انت هتلبسه داا..
_ هو انتي اللي هتلبسيه ولا انا..
= ما انا بتقرف م اللون دااا..
_ طيب يستي هغيره علشان خاطرك بس..
= والله لو مكنتش بتضايق م اللون دا ما كنت قولتلك حاجه ما تلبس اللي تلبسه انا مالي + ايه اللبس اللي انت مديهولي داا..
_ عباية..
= ايوا هعمل بيهاا ايه..
_ بيقولوا كدا بتتلبس..
= ايواا بس واسعة اوووي..

_ وانتي تلبسيها ضيقه ليه..
= لا ما هو انا بظبطها بتبقي ولا واسعه ولا ضيقة إنما انت جايب عبايه عايزة اتنين يدخلوا معايا فيها..
_ إذا كان عجبك ومشوفكيش تلبسي غير وااسع اوي مش وبناطيل لاا يا دريسات وبس..
= هو من اولها..
_ ااه انا مش قرطاس لب.. . يتبع

روز غيرت الفستان ولبست العباية اللي آدم جابها لها ونزلوا تحت.
_ حبايبي نزلوا يلاا علشان تتعشوا..
= والله يا اونكل مهران انت قمر مش عارفه ابنك دا طالع لمين..
آدم بصلها بغيظ ” ابنه دا اللي هو جوزك دلوقتي “..
روز ” بلا جوزك بلاا هبل اقعد ساكت وخلينا نطفح واحنا نفسنا مفتوحه”..
_ هي مش من شوية كانت اتسدت..
= واتفتحت وهتتسد باينها كداا وبدأت تاكل والكل بيضحك عليهم ماعدا آدم اللي بيبص لها بغضب..

_ الأكل رووعه..
= مش يلا بقااا..
_ علي فين..
= علي فوق..
_ وهنعمل ايه فوق يعني خلينا هناا شوية مع آسر وعمو مهران القمر دا ابو عيون خضراا..
= انتي شايفاني قرطااس لب جمبك ولا حاجه قاعده تتغزلي فيهم..
_ انت غيرااان يا ابو قمصه..
= ابو ايه يختي!!..
_ عيل قماص يعني..
= عيل وقماص..
_ ايوااا..
= هوريكي العيل القماص دا هيعمل ايه..وراح شايلها وطالع علي فوق..

طلع الأوضة بتاعتهم وفتح الباي ونزلها ف نص الأوضة وراح قفل الباب بالمفتاح..
_ انت قفلت الباب ليه ثم إن انت لو شلتني تاني هكسر إيدك..
آدم قرب وهو بيتكلم ” ثم …
روز بتوتر..” ثم..وفضلت تبص وراها وبتتهرب من عيونه..
آدم حط إيده علي راسها وفك الحجاب وبان شعرهاا الطويل..
روز بكسوف وغضب ” انت..انت بتعمل ايه يجدع انت ابعد ايدك دي”..
آدم بإبتسامه لكلامها ” جدع فيه واحده تقول لجوزها كدا”..
_ اوماال بتقول ايه..
= يا حبيبي يا قلبي المحن داا يعني..روز هربت من قدامه وراحت ناحيه الدولاب.
_ تعالي يا روز الله يهديكي..

= ليه عايز مني ايه..
_ هنتزفت ننام..
= ما تنام انا مش بنام دلوقتي..
_ عايز أنام ف حضن مراتي..
= يووه انا مش مراتك انا قبلت اتجوزك بس علشان احمي نفسي مش حباا فيك يعني..
ادم اتضايق برغم انه عارف انها مش بتحبه بس اتضايق..
_ يعني انا اللي اتجوزتك حباا فيكي دا علشان خاطر بابا.
= خلاص يبقاا متقلش ادبك معايا..
_ انا قليل الادب..
= ااه عمال تحط إيدك ف شعري وبتبص لياا وتغمز ودي قلة ادب..
_ انا هناام وبكرا اوريكي يا روز هتيجي تتحايلي علياا ابصلك بس..
= وانت بتحلم ممكن اتحايل عليك ممكن!!..
ادم قام وشدها من ايدها..

_ اتخمدي علشان انام انا كمان..
= الاه مش عايزة انام وكمان لو هنام مش هنام جمبك..
_ اومال هتتخمدي فين..
= ع الأرض.
آدم حضنها ” نامي يا روز ورايا شغل كتير بكرا”.

روز كانت مكسوفة جدا ونامت ف حضنه ولأول مرة تكون مرتاحه بعد وفاة مامتها…
تاني يوم..ادم صحي وأول ما فتح عيونه اتصدم..
_ رووز..رووز…..
روز اتخضت ووقعت من ع السور بتاع البلكونه..
= ااااااه آدم الحقنييييي..
آدم قام بسرعه وراح ناحية البلكونه هي كانت ماسكه ف السور بس ايدها فلتت و آدم راح ماسكها..
_ هاتي إيدك التانيه يا روز..

= مش عارفه يا آدم مش عارفه خايفة اقع انا هموت يا آدم ..
_ متخافيش يا حبيبتي اهدي هاتي إيدك التانيه..
روز رفعت ايدها له ومسكها..
= ساعديني واطلعي معايا..
_حاضر اهو… آدم طلعها وبسرعه شدها لحضنه جامد..
= اووووف ليه كده يا روز ليه!!!..
روز بتتكلم وهي بترتعش ” انا.. انا بحب.. اقعد ع السور.. بتاع.. البلكونه..
_ كنتي هتقعي يا حبيبتي كنت هموت والله..
روز كانت أعصابها سايبه آدم قعدها ع السرير ونزل يعمل كوبايه مايه بسكر..

_ خدي يا حبيبتي اشربي..
بعد عشر دقايق ورجعت روز لطبيعتها..
= عجبك كده كنت همو.. وبسرعه حط ايده علي بوقها..
_بعد الشر يا حبيبتي متقوليش كدا..
= حبك برص كنت هموت والله وبسببك بصوتك اللي خلاني اتنطرت من ع السور هو انا كنت بعمل جريمه قايم تصرخ وتقول رووز انا لو كنت بنتحر مش هتصرخ كداا لا ومش بس كدااا دا.
_ ششششش ايه مصورة واتفتحت افصلي + انتي عايزاني اقوم م النوم الاقيكي قاعده ع السور واسكت عادي..
= وفيها ايه يعني هو انا بنط م البلكونه ولا حاجه ايه ياربي الجنان ده..
_ يعني خارجه بشعرك ولبسك دا وعادي وخارجه تقعدي ع السور ومفروض إني مخافش وعادي.. يتبع

= ماله لبسي يعني ثم انت عارف الساعه كام اصلا.. الساعه سته الكل نايم لسه محدش خارج البلكونه دلوقتي ومحدش هيشوفني يعني وبعدين هو فين النااس اصلاا مفيش جيران..
_ فيه ناس رايحه جايه بالعربيات بتاعتهم + لو اللي حصل النهارده اتكرر تاني هتشوفي مني وش تاني يا روز..
= اشطاا هيحصل لإني اصلا نفسي اشوف وشك التاني يمكن يبقا أحلي من داا..
_ لا إله إلا الله مش عايز اتغابي عليكي والله..
= هتتطفح قهوة معاايا..
_ هطفح بس انتي متطفحيش غلط عليكي..
= خلاص يبقا متشربهاش انت كمان..
_ دا ليه إن شاء الله..
= الغلط عليا غلط عليك..
_ انا اشرب انتي متشربيش بتتعب علي فكرة وبتزيد ضربات القلب..
= هو قلبك غير قلبي ما انت كمان متشربهاش..
_ استغفر الله العظيم يارب غوري من وشي يا روز وقولي لدادة تعمل قهوة..
روز ماشية وبتتكلم بهمس “مش عارفه ياربي ايه وش البومه اللي اصطبح بيه دا”

_ بتقولي حاجه يا روز..
= نازلة بقول نااازلة وخرجت م الأوضة وقابلت آسر ف وشها
_ صبااح الجماال علي احلي مرات اخ..
= مكونتش اتجوزتك انت وخلاص عاي الأقل فرفوش مش زي البومه اللي جوا دا..
آسر ضحك بصوت عالي وادم سمعه راح خارج..
= رووز..
_ يخربيتك مينفعش كده مش كل شوية تخضني ايه يا عم انت..
= واقفة مع آسر بتعملي ايه.
_ كنت بصبح عليه بس..
= بتصبحي عليه ااه طب غور يا آسر من وشي وشد روز من ايدها.. ودخل الأوضة..
_ قولتيلي بقا بتصبحي علي آسر..
= علي فكره آسر دا يبقي اخوك اه والله مش حد غريب يعني.
آدم بيقرب منها وتفضل هي ترجع لورا لحد ما تخبط ف الدولاب..
_ آدم ال. البتاع بتفور..
= بتاع ايه..

_ القهوه يا آدم و استني سامعه حد بينادي هتلاقي دادة عايده علشان القهوه..
= اللي ينادي ينادي ايه مش هعرف اصبح على مراتي ولا ايه..
آدم قرب منها وباسها من شفايفها..
وفضلوا ساكتين دقيقتين..
_ انت قليل الادب ولو كررت الحركه دي تاني..
لسه مكملتش الكلمه وكرر نفس الحركه..
= لاا دا انت مصمم تضايقني بقاا..
_ انا مش بضايقك..
= طب وسع كدا بقاا..
_ علي فين إن شاء الله..
= هنزل افطر..
_ وتسيبي جوزك لوحده.
= يعني العفريت هياكلك وبعدين هقعد اعمل ايه يعني..
_ تجيبي ليا لبس علشان افطر واروح الشركه اللي بقالي اسبوع مدخلتهاش..
= طب ممكن اطلب منك طلب..

_ اتفضلي..
= ممكن اروح معاك..
_ ماشي يلا جهزي ليا لبس علي زوقك كداا والبسي..
= فوريره..
وفضل يضحك عليها ودخل الحمام وهي جهزت اللبس..
_ آدم..
= ايه زعلانه ليه..
_ مش عندي لبس..
= انا ازاي نسيت حاجه زي كده..
_ مليش فيه بقا انا عايزة اروح..

= طيب خليكي النهارده هنا وبكرا هاخدك معايا علي ما اجبلك لبس..
_ ماشي خلاص..
= زعلانه صح.
_ لا خلاص مش زعلانه..
ونزلوا تحت بس أول ما نزلوا!؟….

روز و آدم نزلوا تحت…
_ بابا!!..
= ايوا يا حبيبة ابوكي تعالي ف حضني وحشتيني.
روز ببكاء ” وحشتك!! مش غريبه الكلمة دي عليك يا.. يا بابا ..
_ حقك عليا يا بنتي والله حقك عليا..
= كدا هنسي اللي عملته..
آدم كان واقف جمبها وبيهديها..

_ روحي سلمي علي أبوكي يا روز..
= أسلم عليه أسلم ع اللي باعني علشان ياخد فلوس..
دا مش أب مستحيل أب يبيع بنته وفضلت تعيط..
آدم خدها ف حضنه ” شششش بس يا حبيبتي ينفع كداا بهدلتي اللبس لياا “..
روز بإبتسامة وبكاء” اطلع غيره + محدش قالك احضني”..
_ والله بقاا كدا..
= كدا ونص + انا طالعه فوق..
طلعت روز و آدم قال لأبوها يمشي ويبقا يجي مرة تانيه وفعلاً مشي بس كان زعلان اوي..

طلع آدم الأوضة ل روز..
_ لسه بتعيطي!!.
=…
_ مش هتردي عليا!؟..
= آدم هو انا وحشه انا استاهل إن بابا يبيعني..
_ لا يا حبيبتي انتي جميلة وقلبك طيب وباباكي غلط بس لازم تسامحيه علشان ف الأول وف الآخر هو أبوكي..
= انت شايف كدا..
_ انتي شايفة غير كدا..
روز سكتت شوية ” لا مش شايفه الا اللي انت قولته”..
= يبقي نعزمه ف البيت عندنا وتقوليله إنك سامحتيه..
_ ماشي يا آدم + إتأخرت ع الشغل..
= ينفع ابن المدير يروح متأخر.
_ تؤ يلا امشي بسرعه..

راح آدم الشركه ونرجع ف الجنينه بتاعت القصر اللي قاعدة فيها روز وآسر..
_ يعني انت فاضلك سنه وتتخرج..
= ايوا يعني تشوفيلي عروسة تكون قمر زيك كداا..
روز ضحكت ” عندي كتير”..
_ طيب يلا شوفيلنا واحده بقاا وافتكر حبيبة قلبه ومعذبته..+ آدم علي فكرة بيحبك يا روز..
= مين قالك..
_ بلاحظ غيرته عليكي ونظرة عيونه لما بيبصلك..
= مش عارفة يا آسر…

_ ازيك يا آدم وحشتني مووت..
= بنت عمي الهبله..
_ يووه يعني سافرت برا وغيرت لبسي ولسه بتقول عليا كدا يا آدم..
= نصيبك كدا بقاا جيتي امتي صحيح..
_ من ساعتين..
= طيب ابقي تعالي شوية اتغدي معانا..

_ من غير ما تقول يا حبيبي هااجي..
= طاايب هقفل انا بقا ورايا شغل..
قفل آدم الفون وندي قفلت هي كمان..
_ يااه وأخيراً خلصت دراسة وهنتجوز يا آدم..

الساعه 3:00 وصلت ندي لبيت عمها مهران..
_ ايه دا مين البنت دي..
دادة عايدة = دي مرات آدم بيه يا ندي هانم + اخبارك ايه يا ندي هانم وحشتينا والله..
الخبر وقع علي ندي كالصاعقه..
_ اييييه!!!..مر..مرات آدم…ازاي..مقالش لياا ليه…هو قالي هتجوزك انتي متأكدة يا دادة..
= ايوا ولسه كاتبين كتابهم اول امبارح..
ندي سابت دادة عايدة وطلعت للأوضة اللي كانوا بيوعدوا فيها بعض انهم يفضلوا سوا ويتجوزوا..
فتحت الباب بس لقت حد خارج م الحمام..
_ عاااااااا….وحطت ايدها علي عيونها..
آسر بإحراج ” ندي! انا آسف والله معرفش إنك داخله الأوضة “..
ندي بإحراج وكسوف” انا اللي آسفه بس البس بسرعه ولا اقولك انا هخرج”..

آسر راح قفل الباب..
_ تخرجي فين استني هلبس ولبس بسرعه وهي فتحت عيونها..
= هووووف ايه دا انت بقيت قمر اوي يا آسر..
_ يعني زمان كنت وحش..
= مش قصدي بس بقيت جامد اكتر م الأول.
_ مش اجمد منك يا ندووشتي..
ندي بعد ما افتكرت لما آدم كان بيقولها يا ندوشتي غصب عنها فلتت دمعه منها..
= ايه دا بتعيطي ليه!؟..

_ مفيش يا آسر انا خارجه..
= طب والله ما انتي خارجه الا ما تقوليلي بتعيطي ليه هه..
_ طيب يا آسر اقعد هقولك..
قعدوا هما الإتنين..
= عرفت إن ادم اتجوز..
_ وزعلانه ليه بقاا.
= ما انا بحبه يا آسر وهو كان بيقولي إنه هيتجوزني فين وعوده فين حبه لياا وفضلت تعيط..
آسر اتصدم اما عرف إنها كانت بتحب آدم حس بكسر ف قلبه..

وخلص البارت يا حلوين التفاعل يزيد بقاا علشان ما ازعلش..

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­