Kanaan Plus شبكة كنعان الإخبارية – شبكة إعلامية متنوعة
أنا في مصيبة انا حامل ومش عارفه اتصرف ازاي!!
اتجوزت عرفي وهو وعدني ان ده هيكون وضع مؤقت و هنتجوز رسمي.
وثقت في بس دلوقتي هو اختفى!
لما اكتشفت إني حامل، رحت له الشقة اللي دايما بنتقابل فيها مالقتوش هناك، حتى اتصلت بيه لكن تليفونه مقفول، الكلية مابقاش يروحها!.
يارب أنا عارفه اني غلط اقف جنبي يارب!!
اهلي لو عرفه موضوع حملي هيقتلوني!!..
فضلت اعيط في اوضتي، إسراء اختي دخلت عليا وكنت بعيط، مسحت دموعي بسرعة عشان متحسش بإي حاجه، قربت عليا وقالت لي:
– فيكي ايه انتي تصرفاتك غريبة بقالك كام يوم!
سكت و مابقتش عارفه اقول ايه، احكيلها، مستحيل احكيلها حاجه!
= بت مالك سرحانه في ايه انطقي مالك!
– ماليش ممكن تسبيني بقى
اسراء مسكت دراعي بعنف و قالت لي:
– ما هو انا مش هسيبك غير لما تقولي في ايه وإلا انا هجيبلك ماما وهي تتصرف معاكي
اتنفضت من مكاني بعد ما سمعت كلمت ماما وقلت لاسراء:
– بلاش ماما ارجوكي، بلاش!
قامت من مكنها وفضلت تبص لي بعدها قالت:
– لا كدا ف مصيبة فعلا انطقي ليلتك سودة النهاردة
اترميت في حضنها وفضلت اعيط اوي وانا بقولها:
– انجديني يا اسراء ارجوكي انا في كارثة، انا حامل!!
سمعت الجملة دي وزقتني بعنف على السرير، قربت عليا وسحبتني من ايدي وقالت لي:
– حامل! ازاي، لا انتي اكيد بتهزري صح، قولي انك بتهزري
= انا متجوزه من فترة عرفي وهو وعدني ان ده وضع مؤقت بس بس لما اكتشفت اني حامل مابقاش ليه اثر اختفى!
محستش باسراء غير لما ايديها نزلت على خدي! فضلت تضرب فيه بهستريا! فضلت تقول وهي بتضربني:
– انطقي مين الحيوان ده؟ عرفتي ازاي؟! وكنتم بتتقبلوا فين؟! فين الورقة العرفي؟!
منطقتش بحرف، زعقتلي بصوت عالي عشان اتكلم قلتلها وانا منهاره من العياط:
– مش معايا الورقة العرفي!
لقتها بتلطم على خدودها وهي بتقول:
– يادي المصيبة امك هتموت فيها منك لله لو عرفت!!
سكت مش عرفه اقول ايه، كمان اسراء سكتت، فضلنا لمدة عشر دقائق مش بننطق بحرف لحد ما اسراء كسرت الصمت ده وقالت:
– امك لو عرفت هتموت فيها، منك لله!
رديت عليها وقلت وانا بترجاها:
– بلاش ارجوكي تقولي لماما حاجه انا هفضل وراه لحد ما اجيبه
ردت بحسرة:
– ده اللي هو ازاي هو خلاص خد اللي هو عايزه ورماكي!
= لأ انا عارفه اللي شهد ع جوازي العرفي النهاردة هروح له
ردت وقالت:
– يلا دلوقتي عارفه بيته
قلت لها:
– ايوة عرفة بيته طبعا
نزلنا انا وهي ورحنا على بيت ( حسان ) اللي شهد ع جوزنا، هو يقرب له، خبطت ع الباب، خرجلنا، مش عارفه حسيت بابتسامه منه لما شافني ف وشو! جايز اكون متهيألي ف ما اهتمتش، اللي يهمني اني اشوف حل ف المصيبة دي!
قال لنا اتفضوا، دخلنا ومستنتش اقعد، قلت له ع طول:
– انا في مصيبة دلوقتي وانت الوحيد اللي هتقدر تخرجني منها
رد بكل برود وقال:
– مصيبة ايه كفاله الشر
= مدحت مختفي وانا دلوقت حامل منه!
لقيت ( حسان ) ابتسم لما سمع جملة اني حامل وقال لي:
– هو لسه مظهرش!! اقصد انه مش باين بقاله كام يوم..
يعني كمان طلع ميعرفش هو فين وكده انا هفضل ف الكرثة دي لحد ما يظهر، اترجيتوا وقلت له:
– ارجوك ساعدني اعتبر اني زي بنتك وساعدني انا عارفه انك تعرف هو فين بس هو اكيد قال لك متقوليش.
رد وقال لي ببرود:
– معرفش هو فين انا زيي زيك بظبط، لو وصلت له هقول لك
مشيت من عنده والدنيا سودة من حواليا، انا خلاص انتهيت، مش عارفه اتصرف، اسراء شالتني من سراحاني بالجملة دي:
– احنا لازم نتخلص من اللي ف بطنك!…. يتبع
قصة اجهاض حلال الجزء الثاني
بصيت لها وماتكلمتش فهي كملت كلامها وقالت:
– مافيش حل غير كدا، طول ما الجنين ده ف طبنك مافيش حاجه هاتستخبه، مسير بطنك هتكبر والمستخبي هيبان!
ماعنديش حل غير كدا، يوم ورا التاني بطني هاتكبر وده هايكون كارثة! ف وافقت اختي ع الاجهاض.
اسراء كلمت حد ف التليفون وبعدها قفلت معاه، بصيت لي وقالت:
– تعالي هانروح دلوقتي لدكتورة انا عرفاها هي الوحيده اللي هتساعدنا من غير ما الموضوع يتكشف!
رحنالها واسراء دخلتلها اوضة الكشف ف العيادة وانتظرت انا بره لمدة شوية، خرجت اسراء بعدها و قالت لي:
– انا فهمتها الموضوع وهي هتساعدنا، هي صاحبتي ووثقه فيها جدا مستحيل تقول لحد، انتي هتعملي عملية الاجهاض دلوقتي!
اترعبت من كلمة عملية دي انا بخاف اصلا من العمليات بس مضطره لده!.
دخلت للدكتورة جوه، فضلت شوية تحضر في حاجات عشان العملية وبعدها قالت لي:
– جاهزة للعملية، متخافيش الموضوع بسيط اوي مش هناخد وقت.
بلعت ريقي وانا خايفة قمت ونمت ع سرير، ادتني حقنه وقالت ده بنج جزئي، يعني انتي هتكوني شايفه كل حاجه بتحصل بس مش هتحسي باي الم.
رفعت هدومي والدكتورة حطت جهاز السونار ع بطني وحركته وهي بتبص ع الجهاز وقالت لي بعدها:
– انتي ف الشهر التالت
مردتش عليها فهي كملت اللي بتعمله، جابت حاجه عمله زي المقص بس كبيرة شوية ومدببه، وقالت لي قبل ما تعمل اي حاجه:
– لو حسيتي بالم مش هتقدري تستحملي قولي عشان ازود البنج
دخلت الشيء المدبب ده داخل فتحة الرحم وحاولت انها تمسك الجنين بيه، الالم كان بسيط، بس فجأة لقيت الم قوي اوي مقدرتش استحمله! حتى اني بصيت للدكتورة عشان اقولها كده، لقيت وشها مخضوض! الم فظيع ف بطني، حاسه ان ف حاجه بتقطع بطني ومش قادرة استحمل الالم لدرجة اني حسيت بدم بيخرج من الرحم!!
دم كتير غرق السرير!
الدكتورة بعدت ووقفت العملية ع طول وانا غبت عن الوعي من كتر الدم اللي نزفته والالم الرهيب!!
فتحت عنيا شفت الدكتورة قاعده هي و اختي على المكتب، اختي باين ع وشها الخوف، وكمان الدكتورة حسيت من تعبيرات وشها وهي بتبص لي ان ف حاجه غلط حصلت!
قمت قعدت ع السرير و بصيت للدكتورة اللي لقتها جيالي وقلت:
– خلاص يا دكتورة الجنين نزل
مردتش فضلت سكته وبصيت لاسراء! انا مش فاهمه ف اي بظبط عمالين يبصوا لبعض كدا ليه رجعت واتكلمت تاني:
– في ايه بظبط عمالين تبصوا لبعض كده ليه ماتفهموني ف ايه
اخيرا الدكتورة اتكلمت وقالت:
– الجنين مرضاش ينزل وده شيء انا مشفهماه، حاولت كتير اني انزله بس مقدرتش، ولما لقيتك نزفتي دم كتير وقفت العملية لان الوضع بقع خطر على حياتك
مش فاهمه كلمة من اللي بتتقال جنين ايه اللي مش عايز ينزل ده زعقت ف الدكتورة ومسكت فيها:
– انتي مجنونة صح عايزه تقنعيني انك دكتورة ازاي ومش عارفه تعملي عملية اجهاض فهميني!
الدكتورة شالت ايدي من عليها و اسراء مسكتني عشان اقف واسيبها.
الدكتورة زعقت وقالت لاسراء:
– خديها واخرجي بره انا اللي غلط ووافقت من الاول روحي وشوفيلك دكتور يخرج الشيء اللي ف بطنك ده، واللي متاكده مهما تلفي ع الدكترة مش هتعرفي تتخلصي منه!
خرجنا من عند الدكتورة وركبنا العربية، كلمت اختي عايزه افهم ايه اللي بيحصل وايه الكلام اللي الدكتورة بتقولوا ده
قالت لي اسراء:
– انا كمان مش فهمه الدكتورة فعلا حاولت تنزل الجنين لكن هو زي ما يكون مش عايز يخرج منك!
لطمت ع وشي يعني انا خلاص هيفضل اللي ف بطني ده لحد ما الموضوع يتكشف واتفضح!
اترجيت اسراء تنجدني من اللي انا فيه ردت وقالت لي:
– اهدي بقى وخليني افكر هنتصرف ازاي دلوقتي.
وصلنا البيت وماما كانت جات من عند عمتي، اول ما شفتني اتخضت من منظري فقالت لي:
– مالك فيكي ايه وشك اصفر كدا ليه!
منطقتش بحرف دخلت ع اوضتي ع طول وقفلت باب الاوضة بالمفتاح! كنت سامعه صوت ماما اللي عمال يزعق ف اسراء عشان تفهم كنا فين وليه وشنا مقلوب كدا.
اما انا ف اتراميت ع السرير ومحستش بنفسي بعدها رحت ف النوم.
صحيت لقيت الدنيا ضلمه اوي، مش شايفه حاجه، نايمة ع تراب، معنى كده اني مش ف اوضتي! شوية عيني خدت ع الضلمة ف وقفت واتدورت بجسمي ف مكاني عشان اعرف انا فين.
بس نتيجة اني بحرك ايدي ومافيش حاجه بمسكها اكتشفت اني ف مكان واسع.
اتحركت اكتر، بدات اسرع خطوتي، جريت وانا بصرخ انا هفضل اجري كدا كتير!!
وقفت لما شفت نار مولعه وف حد نايم ع الارض! قربت لقيت اللي نايم ع الارض ده انا!!
كمان ف حد تاني قاعد جمبي، مش باين غير ضهره بس، كان موطي، اللي نايمة ع الارض اللي المفروض انا، فتحت رجلها و فضلت تصرخ من الالم! نهار اسود الشخص ده بيولدها!!
شوية شفت الطفل اللي مسكه ما بين ايده وقام من مكانه وقرب عليا انا مش اللي نايمة ع الارض ده قرب عليا انا!!
معرفتش برضه هو مين لانه كان لابس جلبية ومغطي وشوا بيها! مسك الطفل من راسو ورفعه ناحية وشي! الطفل راسو انفصلت عن جسمه!… يتبع
قصة اجهاض حلال الجزء الثالث
وقفت لما شفت نار مولعه وف حد نايم ع الارض! قربت لقيت اللي نايم ع الارض ده انا!!
كمان ف حد تاني قاعد جمبي، مش باين غير ضهره بس، كان موطي، اللي نايمة ع الارض اللي المفروض انا، فتحت رجلها و فضلت تصرخ من الالم! نهار اسود الشخص ده بيولدها!!
شوية شفت الطفل اللي مسكه ما بين ايده وقام من مكانه وقرب عليا انا مش اللي نايمة ع الارض ده قرب عليا انا!!
معرفتش برضه هو مين لانه كان لابس جلبية ومغطي وشوا بيها! مسك الطفل من راسو ورفعه ناحية وشي! الطفل راسو انفصلت عن جسمه!
صرخت و قومت مفزوعه من النوم!
كابوس مرعب اوي!.
صحيت و كنت مخضوضة اوي من الكابوس جسمي كان سخن اوي، ايه ده، السرير ف دم!! شلت الغطى من عليا، اكتشفت الدم اللي نزل من الرحم ومغرق ملاية السرير!!
انا نزلت الجنين!
يارب يكون نزل الجنين ، بصيت ع الساعه كانت ١٠ بليل، غيرت بسرعه الملاية، وغيرت هدومي وخرجت بره.
ماما كانت قاعده بره اول ما شافتني قالت لي:
– الهانم صحيت
كانت بتقول الكلام ده ل اسراء اللي لقتها منطقتش حتى مبصيتليش، معقول تكون قالت لماما حاجه!
حاولت اني مبينش حاجه رحت ع ماما وقلتلها:
– انا اسفه على اللي عملته الصبح انا كنت تعبانه و مكنتش قادرة اتكلم
رد فعلها كان عادي يعني معرفتش حاجه، ندهت على اسراء اني عايزاها ف الاوضة شوية، دخلت الاوضة واسراء جات ورايا، طبعا ماما سمعاها وهي بتقول:
– اقطع دراعي انكم مخبيين عليا مصيبة
سكت ومردتش عليا، دخلت اسراء وقفلت الباب وقلتلها:
– انا نزفت تاني يا اسراء مش عارفه كده الجنين نزل ولا لأ عايزه اروح للدكتوره صحبتك تاني
ردت وقالت لي:
– هو بعد اللي عملتي ده هترضى تدخلك تاني
= حاولي يا اسراء معاها ارجوكي
اتصلت اسراء بالدكتوره وفضلو ربع ساعه يتكلموا اسراء كانت بتحاول تقنعها اروحلها.
قفلت اسراء معاها وقالت لي:
– اقنعتها بالعفية وخدت معاها معاد بكرة
مش عارفه احكي لاسراء ع الكابوس اللي شفته ولا لأ مش هحكيلها لما نشوف بس ايه اخرت اللي انا في ده..
فجأة حسيت بالم رهيب ف الرحم!!
دم نزل من الرحم المرة دي كتير وحسيت بسكاكين بتقطع ف الرحم!
اسراء لقتها وفقه ومش عارفه تعمل ايه
قلتلها من وسط الالم:
– اسراء الحقيني مش قادرة سكاكين بتقطع فيه!!
انا حاسه ان في حاجه بتخرج مني! ايوة ف شيء بيخرج من الرحم!
ايه ده، جنين نزل تحت رجلي!!
حتة لحم شفتها وهي بتكبر! ايوة كانت حجمها بيكبر وخدت شكل الجنين!
اغرب حاجه شفتها مستحيل تحصل
انا شفت الجنين وقف ع رجليه الاتنين وقرب عليا وانا نايمة! والله انا سمعته بيتكلم! نطق وقال:
– اوعاكي تكرريها تاني!!
فقت ع ميه اتحدفت ف وشي، كنت نايمة ع الارض واسراء مخضوضة وبتبصلي!
صرخت وفضلت انطق بكلام ان الجنين هيموتني!
اسراء حاولت تهديني وماما دخلت علينا وشافت منظري ورقعت بالصوت!!.
ماما قالت لي اني ملبوسة ولازم اروح لشيخ عشان يرقيني ويحصني. انا اكيد ملبوسة اللي شفته واللي حصل من يوم ما جه الحمل الملعون ده صعب اوي ميخرجش غير من شياطين!!….. يتبع
قصة اجهاض حلال الجزء الرابع
بس الاول لازم اروح للدكتورة واشوف الجنين نزل ولا لأ.
تاني يوم رحنا انا واسراء من غير ما ماما تعرف رحلنا لما راحت لعمتي عشان تجيب الشيخ اللي بتقول عليه.
دخلنا للدكتورة واتاسفتلها ع اللي حصل مني اخر مره قبلت اعتذاري وطلبت مني انام ع السرير.
نمت ع السرير وعريت بطني، حطت جهاز السونار ع بيطني و بصيت للشاشة. انا مش فاهمه ليه الدكتوره بتبصلي بصات غريبة كده ليه!
اخر ما زهقت قلتلها:
– ممكن بدل ما هتكليني ب عينك تفهميني ف ايه
ردت وقالت:
– لما افهم انا الاول افهمك! يا هانم الجنين حجمه كبر!
سألتها بستغراب:
– يعني ايه الجنين كبر هو انا ماجهضتش
= اجهاض ايه بس دلوقتي ، منظر الجنين اللي شايفاه انا دلوقتي ده مش بيحصل غير ف الشهر الخامس والسادس من الحمل!
نهار اسود عليا ايه اللي ف بطني ده!
الدكتورة قالت لي وهي متعصبه:
– الله يرضى عليكي امشي مش عايزه اشوف وشك عندي تاني، اللي ف بطنك ده مش طبيعي، يعني ايه ف اخر فحص الحنين يكون شكل ودلوقتي يكبر حجمه بالطريقة دي!
خرجت وسيبت اسراء اللي لما شافتني مشيت وسبتها جريت ورايا.
ركبنا العربية ووصلنا البيت ، دخلت اوضي وقفلت الباب عليا.
اسراء فضلت تخبط عليا وماما سمعت صوتها بره فتحت الباب لاني مش عايزه ماما تعرف حاجه.
كانت جايبة حد معاها، عرفت بعد كده ان ده الشيخ اللي قالت انها هتجيبه.
خرجت وسبت اسراء اللي لما شافتني مشيت وسبتها، جريت ورايا.
ركبنا العربية ووصلنا البيت ، دخلت اوضي وقفلت الباب عليا.
اسراء فضلت تخبط عليا وماما سمعت صوتها بره فتحت الباب لاني مش عايزه ماما تعرف حاجه.
كانت جايبة حد معاها، عرفت بعد كده ان ده الشيخ اللي قالت انها هتجيبه.
الشيخ طلب من ماما بعد ما قعدنا شوية ف الصالة انه عايز يقعد معايا شوية لوحدنا، ماما واسراء سبونا لوحدنا، فضل يبص لي من غير ما يتكلم وانا كنت بحاول اني مالفتلوش اي نظر.
بعد كده لقيته اتكلم وقال:
– عايزك تحكيلي كل حاجه بالتفصيل
رديت عليه وقلت:
– ما انا حكيتلك اللي بيحصل لي واللي بشوفه
سكت شوية وقال:
– لأ انتي عندك كلام تاني ماقلتيهوش
رديت وحاولت اكون متماسكه:
– لأ اللي عندي قولته
رد وقال الشيخ:
– عندك كلام كتير عايزه تقولي واظن انك حامل!
عرف ازاي ده، معقول اسراء قالت له حاجه، بلعت ريقي وقلت له وانا بترجاه:
– بلاش تقول لماما حاجه لو عرفت هتدبحني
رد وقال:
– ماتخفيش مش هقول حاجه، بس احكي لي كل حاجه
حكيت له ع كل حاجه حتى قولت له ايه اللي حصل عند الدكتورة واني حاولت اجهض الجنين لكن محصلش.
مردش عليا ندى على ماما، ماما جات، سابني وراح لها، فضله يتكلموا شوية وبعدها ماما مشيت.
قال لي تعالي هنقعد مع بعض شوية ف اوضتك!
قلت له:
– وتقعد معايا ليه
رد وقال:
– انتي مش عايزاني اساعدك يبقى تسمعي الكلامي
رحت معاه الاوضة، قفل الباب علينا بالمفتاح.
قال لي اقعدي، قعدت على السرير، طلع من شنطه كانت معاه حتة قماشه لونها ابيض، قماشة شكلها غريي مليانه كتابات بلون اسود، كتابات مش مفهومه طلاسم وارقام وحاجات غريبة!
قال لي بعدها:
– نامي ع السرير!
عملت زي ما هو قال لي نمت على السرير، وبعدها فَرد الملاية عليا!
حسيت بايده اللي اتحطت على راسي، سمعت صوته وهو بيقول اية من القران وكانت الاية هي
( واتبعوا ما تتلوا الشياطين على ملك سليمان وما كفر سليمان ولكن الشياطين كفروا يعلمون الناس السحر وما انزل على الملكين ببابل هاروت وماروت )
كرر في نفس الاية اكتر من مرة كل مرة كان بيعلي صوته عن الاول، الصوت بدأ انه يوطه شوية شوية لحد مابقتش سمعاه خالص.
فتحت عيني وشلت الملاية اللي متغطيه بيها، لقيت نفسي نايمة على ارض رملية! الجو كان ضلمة، قومت من مكاني، مشيت ناحية اضاءة، فضلت امشي لحد ما وصلت عند نار مولعه! ماكنش في اي حد حوالين النار ولا كان ف حد غيري ف المكان.
بس شفت حاجه على الارض، قربت عليها وكان الحاجه دي كتاب مرمي على الارض ، وطيت واخدت الكتاب ، فتحت كذه صفحه وقعدت اتامل كل صفحه.
كل صفحه في الكتاب فيها صور لكائنات شكلها وحش اوي افظع من شكل الشياطين المرسومة في مخيلتنا!!
فضلت على كده لحد ما سمعت صوت، صوت مرعب، صوت كأنه صوت كلب بس افظع! كنت حاسه بحرارة ورايا، انفاس سخنه اوي ورا ضهري!
اتلفت ورايا، افظع كائن عمرك ما تتحمل انك تبصله!
شكله نفس اشكال الكائنات اللي شفتها ع الكتاب.
ماكنتش قادرة اتحرك من مكاني، جسمي كان مشلول.
الكائن قرب ايده ع بطني وقال لي جملة بنبرة صوت خشنه وقوية اوي:
– حافظي على الاضحية!!
اختفى بعد ما قال الجملة دي….. يتبع
قصة اجهاض حلال الجزء الخامس والأخير
فتحت عنيا لقيت نفسي نايمة ع السرير والشيخ قاعد ع الكرسي وبيبص لي، اتحرك ناحيتي وقال:
– شفتي ايه احكي
حكيت له ع كل حاجه شفتها من اول ما لقيت نفسي مرمية ع ارض رملية وشفت الكتاب وختاما بالكائن واللي قالوهولي.
سكت شوية وقال بعدها:
– الجنين ده عمرك ما هتتخلصي منه، الجنين ده مرتبط بعهد او ارتباط حصل ما بين الكائن اللي شفتي وبين شخص تاني.
سمعت كلامه وقلت له:
– ساعدني ارجوك يا شيخ اعمل ايه
ماردش عليا قام من مكانه وقرب ع الباب فتحو وخرج.
فضلت طول اليوم بفكر ف اللي قالوا الشيخ واللي شفته لحد ما لقيت تليفوني بيرن، الساعه كانت ١٢ نص الليل مين ده اللي هيتصل بيه ف الوقت ده.
بصيت على الرقم وكان رقم مجهول مش متسجل عندي، فتحت المكالمة وقلت مين معايا
جالي الرد من المتصل:
– انا حسان!
رديت بلهفه وقلت:
– ايه عرفت توصل له
رد وقال لي:
– ايوة عرفت اوصل له، انتي تجيلي دلوقت ولوحدك!
اروح له ازاي ف الوقت المتاخر ده وكمان لوحدي، بس مش قدامي غير كده. غيرت هدومي ونزلت بشويش عشان محدش يحس اني خارجه ف الوقت ده.
ركبت العربية ومشيت.
فضلت ماشية وراسي عماله تودي وتجيب، ده انا هكلوا بسناني لما اشوف الحيوووو.. مكملتش الجملة لاني سمعت صوت جشرجه! صوت حد بيحاول يتنفس لكنه مش قادر.
وقفت العربية فورا لما شفت من مراية العربية ف الكرسي الوراني ان ف شخص قاعد!!
بصيت ورايا لقيت اللي قاعد هو! ايوة ده كان مدحت!!
مدحت مدبوح ودم كتير مغرق وشو!!
كان بيحاول يتكلم لكن الجملة مش بتخرج منه.
ف اخر لحظة صرخ ف وشي وهو بيقول لي:
– سمحيني!!
فقت من المشهد ده وراسي كانت ع الدركسيون يعني ده كان كابوس لاني مالقتش اي حاجه ف العربية!
مسحت عرقي واخدت نفسي، دورت العربية واتحركت، وصلت عند بيت حسان، خبطت كام خطبه ع الباب وفتحت لي بعدها الباب.
دخلت الشقة، قعدنا ف الصالة وقلت له:
– مدحت فين
رد وقال لي:
– اصبري بس عليا
قال لي كده ومشي، وجه بعد شوية وكان معاه كباية عصير وف ايده التانية حاجه ملفوفه بقماشة صغيرة سودة.
اداني العصير شربت منه شوية وسبته وبعدها قلت له:
– ممكن تقول لي فين مدحت
رد وقال لي:
– هقولك هو فين بس خدي ده
اللي ادهولي كان كتاب، هو نفسه الكتاب اللي شفته ف اخر كابوس! قلت له:
– ايه ده
رد وقال لي:
ده العزيف! كتاب العزيف ورثته عن جدي، حاولت كتير افهم اللي فيه لكن معرفتش، هو حكاية الكتاب ده من بحثي، انه كتاب تاريخ بس مش اي تاريخ، ده بيحكي عن اللي سكنوا الارض قبل خلق ادم وقبل خلق الجن كمان! ف كائنات منعرفش عنها حاجه ورثة الارض بس بعد ما كتر الدم ف الارض والفساد بين الكائنات دي، جه جيش السماء وحاربهم! كانت الحرب بينهم حرب ما شافتهاش الارض قبل كده حرب شرسه. مات كتير من الكائنات دي وف مجموعة صغيرة هربوا واستخبوا ف باطن الارض، الكائنات قدروا يتوصله مع ابناء ادم، لدرجة انهم اتجوزوا من بني ادم لهدف واحد وهو خلق جيش واتباع من بني البشر عشان يستردوا ورثهم تاني.
سمعت الكلام الغريب ده وقلت له:
– وانا ايه علاقتي بالموضوع ده ممكن تفهمني
رد وقال لي:
– انا لسه مكملتش الحكاية، الكتاب ده وصلنا من شخص يمني كان شاعر ورحالة اسمه الحظرد، سافر كل مكان لحد ما وصل لصحرا، هناك شاف كائنات عايشه ف المكان ده اديته اسرار وعلم كتير وحكيت له الحكاية اللي لسه قيالها من شوية حكاية الكائنات اللي ورثة الارض وكتب كتاب العزيف!
اللي يخصك بقى من كل ده هو شيء واحد وهو جوازك العرفي من مدحت! استغليت الموضوع ده قبل جوازكم بفترة قصيرة لاني كنت عارف بموضوع العلاقة اللي بنكم واللي لسه ما وصلتش لجواز. مدحت مكانش بيفكر ف الجواز منك بس بعد ما عملت جلسة تحضير روح ( الحظرد ) وقدرت اعرف منه ازاي اقدر افك طلاسم ( العزيف ) واللي هي لازم تقديم اضحية طفل عمره ايام للكائن او لحارس كتاب ( العزيف ) عملت جلسة تاني وحضرت الكائن او الحارس للعزيف نفسه! ساعدني ف موضوع اني اسيطر ع مدحت بانه خلى مدحت مسيطر عليه روح من جنود الحارس ده!
اتجوزته انتم عرفي وحصل انك بقيتي حامل!
اما بقى مدحت فين دلوقت مدحت بقى مالوش وجود اصلا لانه مات من الروح اللي مسيطرة عليه!.
ودلوقتي بقى مش ناقص غير حاجه واحده بس عشان كل حاجه تمشي مظبوط، عشان اقدر اتواصل مع كائنات باطن الارض! انا عايز القوة منهم وهما هيدوهالي عايز اسيطر ع الارض كلها وهما بعد ما هيسيطروا ع الارض هكون واحد منهم! مش ناقص غير الجنين اللي ف بطنك وانا جايبك عشان اخدوا!!
سمعت كلامه و توهت، مش عارفه اتكلم، ذنبي انا ايه، اه ذنبي اني عملت غلطه وهو جوازي ف الحرام، واكيد بعد ما ياخد اللي عايزه مش هيسبني عايشة!
انا هاهرب منه، بس انا حاسه اني دايخه، عيني بتقفل، الرؤية بتتحجب لحد ما بقت سودة!!
فتحت عيني، لقيت نفسي ع الارض، ف نار مولعه ، مربوطة من ايدي ورجلي الاتنين، حسان واقف قصاد مني وبيبص لي! نزل لحد ما وشه بقى ف وشي وقال لي:
– يالا بقى عشان هنزل الجنين عشان هما عايزينه!!
وضحك فضل يضحك وهو بيمسك هدومي، رفعها وبين جسمي، حط ايده عند الرحم وبدا يخرج الجنين!!
بصرخ وهو بيخرج الجنين الم مش قادرة اتحمله!! لحد ما نزل الجنين، مسكوا وفتح الكتاب، فصل راسو عن جسمه والدم صفاه ع صفحات الكتاب!
كائن ضخم اسود اوي، ليه قرون ف راسو و ليه اكتر من ايد!! رجله زي رجول الجمال وماليانه شعر!!
حسان نزل ع الارض لما شافوا ركع له!!
الكائن مد ايده لحسان وقال جملة واحده ليه
( الان انت من اتباعنا المخلصين، القوة لك من هذا اليوم، والارض لنا )
ظهروا كائنات كتير من تحت الارض احجمهم مختلفه واشكلهم مختلفه، فضلوا يهللو بفرح ويلفوا حوالين مني!! بيلفو وهما فرحانين برجوع سيطرتهم من تاني على الارض!!
تمت
